Texnologiya
Zamon rivojlanmoqda robotlarni, dronlarni, avtomobillarni, uylarni va boshqa ko’plab qurilmalarni masofadan har xil protokollar yordamida boshqarish mumkin. Har bir qurilma qandaydir vazifa bajarish uchun oldindan “miyasiga” yozilgan komandalarga tayanadi.
Insoniyat
Ko’p o’ylayman: inson ixtiro qiladigan narsalarni ko’pchiligi o’zidagi funksionallikdan ilhomlanib yaratarmikan, deb. Insonda ong bor, u fikrlay oladi. Lekin ko’pchilikka shu ong keraksizdek. Ko’pchiligimizni o’zimizning ongimiz emas, boshqalarning ongi boshqaradi. Yana ham aniqrog’i, bizni odamlarning gapi boshqaradi. Biz o’zimizni, yaqinlarimizni “odamlar nima deydi” bilan tugatib boramiz.
Xuddi dasturlangan robotdek: bir tugmani bossa o’chadi, yana birida yonadi, yana birida boshqa vazifa bajaradi.
Odamlar doim nimadir deyishgan va deyishadi. Xato qilishdan qo’rqmaslik kerak. O’xshasa — muvaffaqiyat, o’xshamasa — tajriba. Texnikada bug chiqsa kodni o’zgartirish mumkin. Lekin inson o’zining “kodini” refaktoring qila oladimi?
Oxirgi marta qachon boshqalarning gapi uchun o’z xohishingizdan voz kechdingiz?